So var det igjen duka for nok eit "Show-down" i Ørsta.
Det såg slett ikkje lovandes ut med tanke på veret, men me bestemte oss for å gjere eit forsøk. Trass i både krafitg regn, og ei og anna haglbyge på formiddagen, starta køyringa som planlagt kl.14.00. Det møtte fram 3-400 tilskodara, noko som er bra med tanke på ruskeveret.
Det var dårleg med førehandspåmeldingar, men det vart til slutt 20 bilar som deltok. Det vart køyrt to oppvarmingsheat, deretter gjekk det over på utslagsrundene.
Med våt asfalt viste det seg at det ikkje var den med mest motor som nødvendigvis hadde overtaket, men ein følsom høgrefot og bra start var det som skulle til og 4-hjulstrekk var ein fordel.
Når dei to største favorittane rauk ut, var det til slutt to BMW'ar att i finala, ein 89 modell 325i eigd av Sindre Åmås frå Ørsta og ein 2005 535d stv eigd av Kjetil Bernhoft frå Stryn.
Den flotte familiebilen med råsterk turbodiesel viste seg som den sterkaste av dei, og drog dermed i land sigeren.

Om kvelden var det party på klubblokalet, og kvelden vart avslutta på Rust.