Dei fleste har vel sett mafiabilen som har kjørt rundt i området her på fine solskinnsdagar. Lav, breid, svart, stor motor og nærmast lydlaus, dette var sikkert ein populær bil blant mafiaen i 1970. 429 cid med 360 hk og nærmare 600 nm gjer at Thunderbirden går bedre enn dei fleste vanlige bilar, og dette gjer den so kultivert og lydlaust at det er ei fryd. Med stor sofa framme og eit flott baksete med bue slik at ryggen nesten går rundt til sidene, alt sjølvsagt heilt strøkent, gjer dette til ein perfekt familie- hobbybil. Det er Kenneth Nilsvik som har fått tak i denne Thunderbirden som er i veldig god originalstand. Den er kjørt berre ca 38900 miles, er urestaurert og berre eit par delar på karosseriet er lakkert om igjen. Kenneth kjøpte bilen i Tomrefjord, etter timar på telefonen og snakka med dei fleste som veit noko om bil. Først var vi avgårde for å sjå på bilen i februar og eit par veker seinare kjøpte han bilen, og har nok ikkje angra eit sekund. Bilen var kjøpt ny i California og stod lagra i San Francisco i årevis før den forrige eigaren, Hans Petter Stenødegård, kjøpte den og importerte den til Norge i 2002. Han hadde no kjøpt seg ein Oldsmobile cab Indy Pacecar og ville bruke ledig tid på denne i staden. Bilen var som sagt i veldig god stand når han kjøpte den, men Kenneth har sjølvsagt gjort diverse småtteri etter at han kjøpte den. Ei maskinpolering med lakkrens, rubbing, maskinpolering og voksing er vel det som viser best. I tillegg har han bytte eit hjullager, og han fikk då sjå kor bra bilen er. Ingenting er rusta og alle skruar er blanke og i perfekt stand. Dei raude hageslangane i motorrommet er no bytta til svarte, ellers har han vaska og justert litt tenning og forgassar. Dette er fordelen med å kjøpe ein urørt originalbil i strøken stand, det er berre å sette seg inn i sofaen og tut og kjør!